KVIKA er nýstárleg auglýsinga- og hönnunarstofa með fjölbreytta þjónustu í gerð kynningarefnis og auglýsinga.

Nýbreyttnin felst í því að Kvika er verktaki í hverskyns grafískri hönnun og auglýsingagerð. Að baki starfseminnar er mikil og víðtæk reynsla í undirbúningi, hönnun, umsjón og framleiðslu auglýsinga og upplýsingaefnis.

Tómas Jónsson, grafískur hönnuður, er eigandi og framkvæmdastjóri stofunnar. Tómas hefur víða komið við og lengst af starfað sjálfstætt undir nafninu Teiknað hjá Tómasi. [Sjá ferilsskrá>]

Með stofnun Kviku hefur Tómas skipt um gír og stofnað til samstarfs við ýmsa aðila sem vinna við markaðsstarf og auglýsingagerð – hugmyndasmiði, textagerðarmenn, þýðendur, ljósmyndara, teiknara og myndskreytingarmenn, grafíska hönnuði, umbrotsgúrúa, vefsmiði, tækni- og listamenn í margmiðlun, reynslubolta í almannatengslum, fyndna fýra í gerð útvarps- og sjónvarpsauglýsinga auk samstarfs við skiltagerðir, prentsmiðjur, dreifingaraðila, birtingahús og fjölmiðla.
Þetta er um það bil það sem Kvika hefur upp á að bjóða – auk þjónustulundar.

Mottóið er að haga sér skynsamlega í ölduróti markaðs- og sölumála, finna hnitmiðaðar lausnir, vinna hratt og örugglega, vanda til verksins en vera samkeppnishæfir í verði svo að allir geti vel við unað.

- - - -

„Líf mitt er ekki fullkomið frekar en annara, en það eru tvær hliðar á öllu – jákvæð og neikvæð. Þegar ég ákveð í morgunsárið að dvelja í jákvæðu hugarfari og forðast neikvæða hugsun verður dagurinn mun árangursríkari og ég hamingjusamari að kveldi dags“. [Höfundur ókunnur]