Aðalfundur Kviku 2016

fimmtudagur 17. mars 2016

Kvika banki hf. hélt aðalfund sinn fimmtudaginn 17. mars klukkan 12:00 í Borgartúni 25 í Reykjavík.

Á fundinum var ársreikningur fyrir árið 2015 samþykktur og tillögur stjórnar bankans teknar til afgreiðslu. Samþykkt var að fækka aðalmönnum í stjórn úr sjö í fimm og skipa eftirtaldir aðilar nýja stjórn Kviku: Þorsteinn Pálsson stjórnarformaður, Finnur Reyr Stefánsson varaformaður stjórnar, Inga Björg Hjaltadóttir, Jónas Hagan Guðmundsson og Anna Skúladóttir. Til setu í varastjórn Kviku voru kjörin Kristín Guðmundsdóttir og Ármann Fr. Ármannsson.

Samþykkt var að fela stjórn að undirbúa tillögu að lækkun á hlutafé bankans með greiðslu til hluthafa allt að 1.000 m.kr., en tillagan er sett fram í ljósi þess að bankinn hefur talsvert umfram eigið með tilliti til eiginfjárkrafna. Endanleg ákvörðun um lækkunina verður hjá hluthafafundi að fenginni tillögu stjórnar. Þá var stjórn veitt heimild til útgáfu kaupréttaráætlunar fyrir starfsmenn og til útgáfu áskriftarréttinda.