Valitor hefur tilkynnt Kviku um tilraunir til að falast eftir kortaupplýsingum viðskiptavina. Umræddar tilraunir eiga það sammerkt að reynt er að fá viðskiptavin til að smella á hlekk í tölvupósti og gefa upp kortaupplýsingar auk Verified by VISA númersins til að fá endurgreiðslu af færslu sem þeir telja viðkomandi hafa innt af hendi. Tölvupóstarnir í þessu tilfelli líta út eins og þeir séu sendir frá Apple á bjagaðri íslensku.
Kvika áréttir að korthafar eiga ekki undir neinum kringumstæðum að gefa upp þriggja stafa öryggisnúmer eða Verified by VISA númerið sem sent er í farsíma korthafa þegar endurgreiðsla á sér stað.