Stjórn FrumkvöðlaAuður veitti tveimur verðugum verkefnum styrki nýverið og var þetta í 12 sinn sem úthlutað var úr sjóðnum.

Fjöldi umsókna bárust sjóðnum og þökkum við öllum umsækjendum fyrir og óskum þeim alls hins besta.

Verkefnin sem voru valin í ár

OCTAVIA
Margrét Júlíana Sigurðardóttir, Jón Andri Sigurðsson, Jean-Philippe Amos og Björn Jóhannesson

Octavia er hugbúnaður og markaðstorg fyrir fjarkennslu í tónlist. Octavia er ætlað á neytendamarkað og verður fyrst og fremst horft til fullorðinna sem vilja læra að spila tónlist en markaðstorgið dýnamískt og samkemppnisdrifið þar sem fólk getur sótt sér kennslu í öllum tónlistarstílum hvar sem er í heiminum.

Teymið sem stendur að baki Octaviu er skipað reynslumiklum einstaklingum í hugbúnaðarþróun, fjárstýringu og markaðsetningu á alþjóðamarkaði.

 

Fortuna Invest
Aníta Rut Hilmarsdóttir, Rakel Eva Sævarsdóttir og Rósa Kristinsdóttir

Fortuna Invest er vettvangur sem hefur það að markmiði að auka fjölbreytta þátttöku á fjármálamarkaði. Sérstök áhersla er lögð á að hvetja konur til að fara fyrir fé.

Fortuna Invest er fyrsti vettvangur sinnar tegundar á Íslandi sem hefur skýra, hnitmiðaða og aðgengilega fræðslu um fjárfestingar. Hægt er að fylgjast með verkefninu á Instagram:@fortunainvest. Alls hafa nú yfir 8000 manns fylgt síðunni frá stofunun hennar í nóvember 2020.

 

FrumkvöðlaAuður

Markmið FrumkvöðlaAuðar að vera góðgerðarsjóður með það að meginstefnu að hvetja konur til athafna og frumkvæðis, sjá nánar https://www.kvika.is/samfelagsabyrgd/frumkvodlaaudur.

Stjórn sjóðsins skipa Kristín Pétursdóttir, sem er formaður, Íris Arna Jóhannsdóttir og Lára Jóna Björnsdóttir.

Kvika óskar styrkþegum innilega til hamingju!