Fréttir

Kvika ráðgjafi GE Capital við kaup á Epli

2.12.2016

GE Capital í eigu Guðna Eiríkssonar hefur keypt meirihluta í félaginu Skakkiturn ehf., umboðsaðila Apple á Íslandi. Seljendur eru Bjarni Ákason og Valdimar Grímsson en þeir munu áfram eiga hlut í fyrirtækinu, auk þess sem Bjarni mun starfa þar áfram og sitja í stjórn. Kvika var ráðgjafi GE Capital í kaupunum.

Skakkiturn ehf. er umboðsaðili Apple á Íslandi og rekur verslanir undir nafninu Epli. Hlutverk fyrirtækisins er að sjá um innflutning, dreifingu, markaðssetningu, sölu og þjónustu á Apple vörum á íslenska markaðssvæðinu. Apple er með mestu markaðshlut­deild á fjölda markaða, þar með talið ein­stak­lingstölv­um og sterka stöðu á sjónvarpsmarkaði með Apple TV.