Fréttir

Vel heppnuð ráðstefna Kviku um erlendar fjárfestingar

2.6.2016

Þann 27. maí síðast liðinn hélt Kvika ráðstefnu um erlendar fjárfestingar þar sem Robert Parker og Todd Leigh frá Credit Suisse héldu erindi.

Robert Parker hefur áratugareynslu af erlendum fjármálamörkuðum og hefur haldið árlega fyrirlestra á Íslandi frá árinu 2004. Erindi Robert Parker fjallaði um hagvaxtarhorfur á heimsvísu og  horfur á verðbréfamörkuðum.  Að hans mati eru frekar jákvæðar hagvaxtarhorfur á þessu ári en þó mjög mismunandi eftir löndum. Góðar hagvaxtarhorfur eru í Bandaríkjunum og Asíu en líkur á minni vexti í Evrópu og Japan.  Í erindi Parker kom fram að hann er frekar varkár á horfur markaða fyrir 2016.  Helstu ástæður eru þær að hlutabréfamarkaðir hafa hækkað mikið undanfarin ár og verð á hlutabréfum yfir langtímameðaltali, sérstaklega í Bandaríkjunum. Einnig er gert ráð fyrir frekari vaxtahækkunum í Bandaríkjunum á þessu ári sem mun hafa áhrif á framvindu markaða.  Heldur hefur hægt á tekjuvexti fyrirtækja og því hefur verið mætt með niðurskurði kostnaðar.  Að hans mati eru hlutabréfamarkaðir ódýrari í Evrópu og Asíu en Bandaríkjunum.

Todd Leigh er framkvæmdarstjóri á eignastýringarsviði Credit Suisse.  Erindi Leigh fjallaði um HOLT aðferðafræðina sem notuð er af yfir 700 eignastýringarfyrirtækjum. Todd Leigh er einn af teyminu sem þróuðu HOLT á sínum tíma.  Hann er ábyrgur fyrir sjóðum sem fjárfesta samkvæmt aðferðafræði HOLT.  Að auki hefur verið þróuð aðferðafræði við val á fyrirtækjum sem byggir á æviskeiðum fyrirtækja (ILC).  HOLT ILC sjóðirnir beita virkri eignastýringaraðferð með vali á 60-80 fyrirtækjum hverju sinni.

Kvika_had_fundur-02629Robert Parker


Kvika_had_fundur-02643Todd Leigh