Stjórnarmenn

Sigurður Hannesson

Stjórnarformaður

Sigurður Hannesson er fæddur árið 1980 og starfar í dag sem framkvæmdastjóri Samtaka iðnaðarins. Sigurður er með DPhil gráðu í stærðfræði frá Oxford háskóla, BS gráðu í stærðfræði frá Háskóla Íslands og hefur lokið prófi í löggiltri verðbréfamiðlun. Á árunum 2013-2017 starfaði Sigurður sem framkvæmdastjóri á eignastýringarsviði hjá MP banka, síðar Kviku banka. Sigurður var árið 2015 varaformaður framkvæmdahóps stjórnvalda um losun fjármagnshafta og árið 2013 formaður sérfræðingahóps um aðgerðir í þágu skuldsettra heimila (Leiðréttingin). Á árunum 2010-2013 starfaði Sigurður sem framkvæmdastjóri Júpíters rekstrarfélags og á sviði markaðsviðskipta hjá Straumi fjárfestingabanka á árunum 2007-2010.

Guðmundur Þórðarson

Guðmundur Þórðarson er viðskiptafræðingur og lauk Cand. Oecon. frá Háskóla Íslands árið 1997. Guðmundur hefur einnig lokið prófi í verðbréfamiðlun og eignastýringu í Bretlandi. Guðmundur starfaði á fjármálamarkaði á árunum 1997 til 2007. Frá árinu 2003 starfaði hann sem framkvæmdastjóri fyrirtækjasviðs Straums fjárfestingabanka og áður á þróunarsviði og fyrirtækjaráðgjöf Íslandsbanka og í eignastýringu Landsbréfa. Frá árinu 2007 hefur Guðmundur starfað við eigin fjárfestingar.

Inga Björg Hjaltadóttir

Inga Björg Hjaltadóttir, framkvæmdastjóri, ráðgjafi og meðeigandi hjá Attentus mannauður og ráðgjöf ehf. og lögmaður og meðeigandi hjá Lögfræðistofu Reykjavíkur, var kjörin í stjórn í apríl 2013. Inga Björg er fædd árið 1970. Hún útskrifaðist með Cand. Jur. gráðu frá Háskóla Íslands árið 1995 og hlaut héraðsdómslögmannsréttindi árið 2003. Hún er einn stofnenda og hefur starfað hjá Attentus mannauði og ráðgjöf frá árinu 2007, hefur starfað sem lögmaður hjá Lögfræðistofu Reykjavíkur frá 2016 og áður hjá Acta lögmannsstofu 2006-2016, var lögmaður hjá DP lögmönnum á árunum 2003-2006 og gegndi stöðu deildarstjóra hjá Eimskipafélagi Íslands árin 1999-2003. Árin 1996-1999 var Inga Björg deildarlögfræðingur og síðar staðgengill starfsmannastjóra Reykjavíkurborgar. Hún hefur áður setið í stjórnum Límtrés Vírnets hf., E-Farice ehf., Smellinns eignarhaldsfélags ehf., endurskoðunarnefnd Reykjavíkurborgar, Orkuveitu Reykjavíkur, Strætó BS, Malbikunarstöðvarinnar Höfða, Faxaflóahafna, Sorpu, Félagsbústaða og Slökkviliðs höfuðborgarsvæðisins. Inga er einnig dómari í Félagsdómi og formaður kjaranefndar Reykjavíkurborgar.

 

Hrönn Sveinsdóttir

Hrönn Sveinsdóttir er viðskiptafræðingur af endurskoðunarsviði og lauk Cand. Oecon. frá Háskóla Íslands árið 1992. Hrönn hefur starfað sem framkvæmdastjóri fjármála- og rekstrarsviðs Vodafone (Fjarskipta hf.) frá árinu 2005. Áður starfaði Hrönn hjá Toyota (P. Samúelssyni hf.) frá árinu 1992, fyrst sem deildarstjóri reikningshalds og frá árinu 1999 sem framkvæmdastjóri fjármála- og starfsmannasviðs. Hrönn hefur setið í stjórnum fjölmargra fyrirtækja meðal annars Almenna lífeyrissjóðsins, Húsasmiðjunnar, Farice og P/F Kall í Færeyjum.

Guðjón Reynisson

Guðjón Reynisson er MBA frá Háskóla Íslands 2002, lauk Rekstrar- og viðskiptanámi frá Endurmenntunarstofnun Háskóla Íslands 1999 og útskrifaðist með Íþróttakennararéttindi á grunn – og framhaldsskólastigi frá Íþróttakennaraskóla Íslands 1986. Guðjón er í dag sjálfstætt starfandi fjárfestir og stjórnarmaður. Á árunum 2008-2017 starfaði hann sem forstjóri Hamleys of London. Fólst starfið í að móta og innleiða stefnu félagsins sem miðaði að því að stækka það úr einni verslun í aðþjóðlega keðju verslana. Guðjón leiddi sölu á félaginu árið 2011-12 og aftur 2015-16. Á árunum 2003-2007 gengdi Guðjón stöðu framkvæmdastjóra 10-11 verslananna. Þar áður frá 1998-2003 var hann framkvæmdstjóri sölusviðs Tals. Guðjón hefur setið í stjórn Festis hf. frá 2014.

Albert Þór Jónsson

Varamaður

Albert Þór Jónsson er með Cand. Oecon gráðu í viðskiptafræði og MCF meistaragráðu í fjármálum fyrirtækja. Albert hefur verið sjálfstætt starfandi við fjármál síðan 2008 en þar áður var hann framkvæmdastjóri hjá FL Group 2005-2007, forstöðumaður eignastýringar Lífeyrissjóðs starfsmanna ríkisins 2001-2005, forstöðumaður verðbréfamiðlunar Fjárvangs 1998-2000, forstöðumaður hjá Landsbréfum við verðbréfamiðlun, eignastýringu og fyrirtækjaráðgjöf 1990-1998 og fjármálaráðgjafi hjá Glitni – kaupleigu 1986-1990. Albert er varaformaður stjórnar Regins hf., fasteignafélags.