Kvika veitir viðskiptavinum sínum hlutlausa og óháða ráðgjöf varðandi kaup, sölu og samruna fyrirtækja.

Fjölbreytt þjónusta og ráðgjöf fyrir atvinnulífið sem og fjármögnun fyrirtækja og stofnana

Kvika er sjálfstæður og óháður banki. Af þeim sökum getur fyrirtækjaráðgjöf Kviku veitt viðskiptavinum sínum hlutlausa og óháða ráðgjöf varðandi kaup, sölu og samruna fyrirtækja sem og fjármögnun fyrirtækja og stofnana og sinnt þjónustu sem er í eðlilegum tengslum við þá ráðgjöf. Í fyrirtækjaráðgjöf starfa sérfræðingar með yfirgripsmikla þekkingu og reynslu af íslensku atvinnulífi og mörkuðum.

Fjármögnun fyrirtækja með hlutabréfa- eða skuldabréfaútboðum

Mörg íslensk fyrirtæki og stofnanir hafa í gegnum tíðina nýtt sér þá fjármögnunarleið að gefa út verðbréf til að fjármagna rekstur sinn, fjárfestingar eða uppgreiðslu lána (endurfjármögnun). Lífeyrissjóðir og verðbréfasjóðir eru öflugir og mikilvægir fjárfestar sem geta fjármagnað starfsemi og vöxt fyrirtækja.

Fyrirtækjaráðgjöf bankans hefur einnig aðstoðað stærri fyrirtæki við endurfjármögnun lána hjá fjármálastofnunum með þátttöku við gerð útboðsgagna og greiningar og ráðgjöf varðandi tilboð

Nýskráningar og afskráningar hluta- og skuldabréfa

Til að auðvelda viðskipti með verðbréf eru þau skráð í Kauphöll Íslands. Ekki er nauðsynlegt að hafa hlutabréf félagsins skráð í Kauphöllinni til að óska eftir skráningu á skuldabréfaflokkum. Með skráningu skuldabréfaflokks verða skuldabréfin auðseljanlegri í frumútboði.

Skráningarferli í Kauphöll Íslands er vandasamt verk sem krefst þekkingar og yfirsýnar. Fyrirtækjaráðgjöf Kviku býr yfir yfirgripsmikilli reynslu af umsjón með nýskráningum og afskráningum hluta- og skuldabréfa.

Kaup, sala og samrunar fyrirtækja og rekstrareininga

Kvika veitir ráðgjöf við kaup, sölu og samruna fyrirtækja og rekstrareininga. Aðkoma fyrirtækjaráðgjafarinnar er gjarnan verkstjórn á slíku ferli, greining tækifæra, virðismat, greiningu virðisaukandi þátta, ráðgjöf um aðferðarfræði, umsjón með samningaviðræðum og lúkningu viðskipta. 

Aðkoma Kviku felur í sér sjálfstæða ráðgjöf með það að markmiði að tryggja hagsmuni viðskiptavina sinna.