Sjálfbærni

Samstæða Kviku er ábyrgur þátttakandi í samfélaginu. Við hugsum til framtíðar og stuðlum að sjálfbæru samfélagi.

Sjálfbær þróun felur í sér að þörfum nútímans sé mætt án þess að skerða möguleika komandi kynslóða á að mæta sínum þörfum. Umhverfis- og félagslegir þættir, sem og góðir stjórnarhættir (UFS þættirnir), rúmast innan sjálfbærnihugtaksins.

Sjálfbærni er í kjarna viðskiptamódels Kviku og horfum við til UFS þáttanna við ákvarðanatöku. Hugað er að sjálfbærni í vöruþróun og nýsköpun, sem og í samskiptum við samstarfsaðila og viðskiptavini. Við leggjum áherslu á fjölbreytni og vellíðan starfsmanna, fræðslu og þátttöku í samfélagsverkefnum.

Sjálfbærnistefna

Vöruþróun og nýsköpun

Við hugum að UFS þáttum í allri vöruþróun og einbeitum okkur að nýjungum sem eru til þess fallnar að draga úr losun gróðurhúsalofttegunda og einfalda og styrkja innviði fjármálaþjónustu.

Sjálfbærnistefna

Sjálfbært viðskiptaumhverfi

Sem fjármálafyrirtæki getum við haft jákvæð áhrif á viðskiptaumhverfi okkar með því að gera auknar kröfur og/eða beita hvata um áherslur á UFS þættina hjá viðskiptavinum og samstarfsaðilum, svo sem í gegnum lánveitingar, fjárfestingar og við val á birgjum.

Sjálfbærnistefna

Innri & ytri samskipti

Við miðlum upplýsingum um UFS og sjálfbærni og fræðum viðskiptavini og starfsmenn í gegnum ytri og innri samskipti, á borð við námskeið, umræðu í fjölmiðlum og markaðsstarf.

Sjálfbærnistefna

Starfsmenn & samfélagið

Við stuðlum að fjölbreytni, aukinni vellíðan og starfsánægju starfsmanna og styðjum við þátttöku starfsmanna í samfélagsverkefnum.

Sjálfbærnireglugerðir

Upplýsingagjöf um sjálfbærni á sviði fjármálaþjónustu (SFDR)

Hér má finna upplýsingagjöf um sjálfbærni á sviði fjármálaþjónustu.

Upplýsingagjöf á sviði sjálfbærni

Sjálfbærniskýrsla

Sjálfbærniskýrsla 2024

Sjálfbærniskýrsla Kviku fyrir árið 2024 er gefin út samhliða ársreikningi Kviku og dótturfélaga. Í skýrslunni eru gerð skil á árangri félagsins í málefnum sem snerta sjálfbærni, það er umhverfis- og félagsmál, sem og stjórnarhætti (einnig vísað til sem „UFS“). Við gerð skýrslunnar hefur Kvika í fyrsta sinn staðla European Financial Reporting Advisory Group sem bera heitið European Sustainability Reporting Standards eða ESRS til hliðsjónar við upplýsingagjöf fyrir valda gagnapunkta. Með nýrri framsetningu á skýrslunni er leitast við að auka gagnsæi og ábyrgð Kviku í upplýsingagjöf um sjálfbærnimál samstæðunnar. Endurskoðunarskrifstofan Deloitte hefur gefið völdum upplýsingum í tilvísunartöflu sem fylgir með sjálfbærniskýrslu Kviku, og ráðstöfun grænna fjármuna og nýtingu í græn verkefni samkvæmt grænni fjármálaumgjörð bankans, álit með takmarkaðri vissu, sem má nálgast aftast í skýrslunni.

Sjálfbærniskýrslan í PDF