Apple Pay hjá Kviku
Einföld, örugg og hraðvirk greiðslulausn
Það er einfalt að virkja Apple Pay í snjalltækjunum þínum
iPhone
- Opnaðu Wallet í iPhone.
- Veldu plúsinn í hægra horninu og fylgdu leiðbeiningunum.
- Haltu kortinu innan myndarammans þangað til síminn hefur náð að lesa upplýsingarnar á því eða veldu að skrá upplýsingarnar handvirkt.
- Staðfestu kortið, skilmála bankans og öryggisþætti.
- Þegar auðkenningu er lokið færðu staðfestingu á því að kortið sé orðið virkt og getur byrjað að greiða með Apple Pay!
Apple Watch
Til að tengja kortin þín við Apple Watch opnar þú Apple Watch appið á símanum þínum og velur „Wallet & Apple Pay“. Þar færðu upp möguleikann að bæta við debit eða kreditkortum.
Með Apple úri smellirðu tvisvar á hliðartakkann og heldur úrinu að posanum til að greiða.
Apple Pay er einföld, hraðvirk og örugg leið til þess að borga fyrir vörur og þjónustu með snjalltækinu þínu. Þegar korti er bætt við Apple Pay verður til sýndarnúmer (e. token) sem notað er við greiðslur sem tryggir öryggi lausnarinnar.
Borgaðu með Apple Pay í verslunum
FaceID
Smelltu tvisvar á hliðartakkann til að virkja Apple Pay. Horfðu á skjáinn og því næst leggur þú símann að posanum.
TouchID
Haltu símanum að posanum með fingurinn að skannanum.
Apple Watch
Smelltu tvisvar á hliðartakkann og haltu úrinu upp að posanum.
Er öruggt að nota Apple Pay?
Já. Tóken, eða sýndarnúmer, kemur í stað kortanúmers þegar þú tengir kortið við Apple Pay. Tóken lítur út eins og venjulegt kortanúmer en sé því stolið gagnast það engum. Greiðslur með Apple pay eru því ennþá þægilegri og öruggari en greiðslur með kortum.
Hvernig borga ég með Apple Pay?
Með andlitsskanna (e. FaceID): Smellir tvisvar sinnum á hliðartakkann hægra megin á símanum, horfir á skjáinn til að auðkenna þig og leggur símann að posanum.
Hvar er hægt að nota Apple Pay?
Þú getur notað Apple Pay hjá öllum söluaðilum sem bjóða upp á snertilausar greiðslur hvort sem það er innlendis eða erlendis. Leitaðu eftir merkinu fyrir snertilausar greiðslur.
Einnig er hægt að nota Apple Pay á vefsíðum og í öppum sem eru merkt með Apple Pay.
Hvernig tengi ég kortið mitt við Apple Pay?
Þú opnar Apple Wallet í snjalltækinu þínu, velur plústáknið efst í hægra horninu og fylgir leiðbeiningum til að klára ferlið.
Hvernig borga ég í öppum og á vefsíðum?
Hægt er að greiða í öppum og á vefsíðum í Safari vafra í iPhone og iPad. Þú velur þá Apple Pay við kassann (e. Check-out) og staðfestir greiðsluna með FaceID eða TouchID.
Kostar það mig sem korthafa aukalega að nota Apple Pay?
Nei, korthafar greiða ekkert aukalega fyrir notkun með Apple Pay
Hvað er sýndarnúmer (e. Token)?
Sýndarnúmer er númer sem tengt er við kortanúmer greiðslukortsins. Það lítur alveg eins út og kortanúmer og um tóken gilda sömu skilmálar og um debet- og kreditkort. Sé því hins vegar stolið er það verðlaust. Apple Pay notar sýndarnúmerið við greiðslur og er þannig raunverulega kortanúmerið aldrei notað sem tryggir öryggi.
Hvað gerist ef ég týni símanum mínum eða ef honum er stolið?
Þú getur látið fjarlægja sýndarnúmerið sem er tengt við kortið eða látið frysta það. Það gerir þú með því að hafa samband við þjónustuver Kviku í síma: 540-3200
Neyðarþjónusta Valitor, s. 525-2200, sér um þessa þjónustu utan opnunartíma þjónustuvers Kviku.
Hvað gerist ef ég týni kortinu mínu sem ég er með uppsett í Apple Pay?
Þá hringir þú í þjónustuver Kviku og lætur frysta plastið. Þú getur ennþá notað símann til þess að greiða fyrir vöru og þjónustu.
Ef ég eyði korti úr Apple Pay, get ég skráð það aftur seinna?
Já það er hægt.
Ef ég er með kort tengt við bæði símann minn og úrið mitt, hefur það áhrif á úrið ef ég eyði kortinu úr símanum og öfugt?
Nei engin áhrif. Hvert tæki hefur sitt sýndarnúmer (e. Token).
Hversu mörg kort er hægt að tengja við hvert snjalltæki?
Allt upp í 12 kort.
Hversu mörg tæki get ég tengt við hvert kort?
Allt upp í 9 tæki.
Get ég bætt við kortum frá öðrum bönkum í Apple Pay?
Já það er hægt að bæta við kortum frá bönkum sem styðja við Apple Pay.
Hvernig veit ég hvaða sölustaðir taka við Apple Pay?
Allir sölustaðir sem taka við snertilausum greiðslum taka líka við Apple Pay.
Get ég séð yfirlit yfir færslur í Apple Pay?
Já þú sérð 10 nýjustu færslurnar í Apple Wallet.
Hvaða kort frá Kviku eru aðgengileg í Apple Pay?
Öll kort nema innkaupakort
Eru fjárhæðartakmörk með Apple Pay?
Nei það eru engin fjárhæðartakmörk á greiðslum með snajlltækjum. Allar greiðslur eru auðkenndar. Takmörkin fara eftir heimild á kortunum.